Mańǵystaýda kólik apatynan bir adam mert boldy
AQTAÝ. QazAqparat - Mańǵystaýdaǵy tas joldaǵy kólik apatynan bir adam kóz jumdy, dep habarlaıdy QazAqparat tilshisi.
Jol-kólik oqıǵasy «Quryq-Shetpe» tas jolynyń 74 shaqyrymynda oryn aldy.
Oblystyń Polıtsııa departamentiniń baspasóz qyzmetiniń habarlaýynsha, qaıǵyly oqıǵa týraly shaqyrý 20 qazanda saǵat 16:00-de Qaraqııa aýdandyq polıtsııa bóliminiń «102» kezekshi pýltine túsken.
«VAZ 21905» júrgizýshisi Shetpe kentine qaraı ketip bara jatyp, rýldi basqara almaı, jol jıegindegi qorshaýǵa qulaǵan. Keıin qarsy baǵyttaǵy «ÝAZ 33036» avtokóligimen soqtyǵysqan.
Jol-kólik oqıǵasy saldarynan bir adam oqıǵa ornynda alǵan jaraqatynan kóz jumdy. Taǵy bir jolaýshy Mańǵystaý oblystyq aýrýhanasyna jetkizildi.
Tergeý amaldary júrip jatyr.
Esterińizge sala keteıik, Aqtaýda jol apaty saldarynan júrgizýshi qaıtys bolǵanyn habarlaǵan bolatynbyz.
