Mańǵystaýda kólik apatynan bir adam kóz jumyp, 2 adam zardap shekti

MAŃǴYSTAÝ OBLYSY. QazAqparat - Túpqaraǵan aýdany Aqshuqyr aýylyndaǵy tas jolda jol-kólik oqıǵasynan bir adam kóz jumyp, 2 adam zardap shekti, dep habarlaıdy QazAqparat tilshisi.

Mańǵystaý oblystyq densaýlyq saqtaý basqarmasynyń habarlaýynsha, kólik apatynan 1977 jyly týǵan er adam oqıǵa ornynda kóz jumǵan. Taǵy eki adam túrli deńgeıdegi jaraqatpen emhanaǵa jetkizildi.

«Qazirgi tańda jaraqat alǵan eki adam Mańǵystaý oblystyq aýrýhanasynyń neırohırýrgııa bólimshesine jatqyzyldy. Barlyq tıisti em-dom sharalary uıymdastyryldy. Naýqastar dárigerlerdiń jiti baqylaýynda», - delingen habarlamada.

Kólik apatynyń mán-jaıy anyqtalyp jatyr.