Mańǵystaýda kólik akkýmýlıatoryn urlaýmen aınalysqandar ustaldy

JAŃAÓZEN. QazAqparat – Birneshe ret kólikke zańsyz kirip, bótenniń múlkin jymqyrǵan azamat ustalyp, 3 jyl 6 aı merzimge bas bostandyǵy shekteldi, dep habarlaıdy QazAqparat tilshisi.

Oǵan qatysty sot úkimi shyqty. Sotta anyqtalǵandaı, N. qasaqana paıdaqorlyq nıetpen Jańaózen qalasy «Samal» shaǵynaýdanynyń №7 úıiniń aldynda turǵan jábirlenýshi Ý.-ǵa tıesili «Vaz 21114» markaly avtokóliginiń kapotyn ashyp, ishinen baǵasy 18 000 teńge turatyn akkýmýlıatoryn aǵyytyp alyp, izin jasyrǵan.

Onyń osyǵan deıin de birneshe ret kólik quraldaryn qoldy qylǵany anyqtaldy.

Jańaózen qalalyq sotynyń úkimimen N. Qazaqstan Respýblıkasy Qylmystyq kodeksiniń 188-babynyń 3-bóliginiń 2) tarmaǵymen kináli dep tanylyp, oǵan 3 jyl 6 aı merzimge bas bostandyǵyn shekteý jazasy taǵaıyndaldy.