Mańǵystaýda qoldan jasalǵan gaz qondyrǵylarynan 2 adam ýlanyp qaıtys bolǵan
«Tekserý barysynda gaz mamandarymen kelisim jasamaı, óz betterimen qoldan jasalǵan gaz qurylǵylardy ornatqany anyqtaldy. Qurylǵylardy durys jerge qoımaǵan nemese qatelik jibergen. Gaz qondyrarda sertıfıkattalǵan qujattary bolýy kerek. Mindetti túrde bizdiń mekemeni eskerte otyryp, kásibı mamandarmen ornatylý kerek», - dedi «QazTransGazAımaq» AQ Mańǵystaý oblystyq óndiristik fılıalynyń dırektory Erkin Jumaǵalıev.
Turǵyn úılerde tabıǵı jáne kómirtegi totyǵymen ýlanýdyń aldyn alýdyń bir ádisi - qazandyq qurylǵylarynan gazdyń aǵyp ketýin anyqtaıtyn gaz analızatorlaryn ornatý.
Búgingi tańda oblys aýmaǵynda halyqtyń áleýmettik osal toptarynyń turǵyn úılerine barlyǵy 5 326 gaz analızator ornatyldy. Osy maqsatta jergilikti bıýdjetten qarajat bólingen.
«Turǵyndar gazdy paıdalaný kezinde qaýipsizdikti saqtaý qajet. Sonymen qatar arnaıy qurylǵylardy paıdalaný jóninde tehnıkalyq qyzmet kórsetý mekemelerimen sharttary bolýy kerek. Turǵyndardy salǵyrttyq tanytpaı, árqashan úıindegi gaz jabdyqtaryn tekserip otyrýǵa shaqyramyz. «QazTransGazAımaq» mekemesi de reıd júrgizip turady», - dedi Mańǵystaý oblystyq energetıka jáne turǵyn-úı kommýnaldyq sharýashylyǵy basqarmasy basshysynyń orynbasary Nurlan Orynbasarov.
