Mańǵystaýda kóktaıǵaq kesirinen bógelip turǵan júk kólikterine kómek kórsetildi - TJD
ASTANA. QazAqparat - Mańǵystaý oblysynyń Tótenshe jaǵdaılar departamenti Manaty asýynda kóktaıǵaq kesirinen júk kólikteriniń bógelip turǵanyn rastady, dep jazady Lada.kz.
Qazirgi ýaqytta jaǵdaı qalypqa kelgen.
«Kóktaıǵaq kesirinen Saı-Ótes-Shetpe avtojolynyń bóliginde (552 - 554 km) 30-40 aýyr júk kólikteri kepteliske tap bolǵan. Búgin 17:00-de jaǵdaı bir qalypqa tústi. Barlyq júgizýshilerge as berilip, keptelisten shyǵýǵa kómek kórsetildi», - dep habarlady Mańǵystaý oblystyq TJD baspasóz qyzmeti.
Qutqarýshylardyń málimetinshe, sol jerde «Qazavtojol» JShS men «Nııaz Mýhammed» JShS-nyń alty arnaıy tehnıkasy jumys istep jatyr.
Buǵan deıin alys jolǵa júk tasıtyn júrgizýshiler as-sýsyz úsh táýlik turǵandaryn aıtqan bolatyn.
