Mańǵystaýda kınoteatrlar men sport zaldary jumysyn qaıta bastaıdy

AQTAÝ. QazAqparat - Mańǵystaý oblysynda 23 qazanda saǵat 00:00-den bastap karantın talaptary jeńildeıdi. Bul týraly 21 qazanda oblystyń bas sanıtar dárigeriniń qaýlysy shyqty, de habarlaıdy QazAqparat tilshisi.

Óńirdiń kommýnıkatsııa ortalyǵy taratqan málimetke sáıkes, endi Mańǵystaýdaǵy saýda úılerine, saýda oıyn-saýyq ortalyqtaryna jáne jabyq bazarlarǵa senbi kúnderi 17:00-ge deıin jumys isteýge ruqsat etildi. Alaıda, jeksenbi kúni jumys istemeıdi.

Sondaı-aq, sport zaldaryna qashyqtyqty saqtap, betperde rejımin ustanyp tolymdylyǵy 30% - dan aspaıtyn adammen óz qyzmetin jandandyrýǵa ruqsat berildi.

Budan bólek, osy qaýipsizdik sharalaryn saqtaı otyryp, 26 qazannan bastap kınoteatrlar ashylady. Ol jumys kúnderi (1-5 kúnderi) saǵat 22:00 ge deıin, senbi kúni 17:00 - ge deıin jumys isteýge ruqsat. Al, jeksenbi kúni jumysyn toqtatady.

Mańǵystaýda áli de balabaqshalar (kezekshi toptardan bólek) bılıard, kompıýter klýbtary, oıyn-saýyq mekemeleri men banket zaldary jáne túngi klýbtardyń jumys isteýine tyıym salynǵan.