Mańǵystaýda kezekshi synyptarda tek 1-synyp oqýshylary oqıdy
Mańǵystaý oblysy bilim basqarmasynyń basshysy Asqar Seıdalıevtiń aıtýynsha, óńirde 311 mektepke deıingi uıymda 36 540 bala tirkelgen. Shtattyq rejımde jumys isteıtin balabaqshalarda barlyǵy 2 770 pedagog jáne 3121 tehnıkalyq qyzmetker jumys isteıdi.
«Balabaqshalarda sanıtarııa-epıdemıologııa, dezınfektsııa jumystary talapqa saı júrgiziledi. Bul oraıda, basqarma tarapynan barlyq balabaqshalardaǵy sanıtarlyq talaptardy kúsheıtý jóninde tapsyrmalar berildi», - dedi Asqar Seıdalıev.
Aıta keteıik, birinshi toqsanda 156 mektepte 158 673 oqýshy (141 kúndizgi mektepte 156 655, 10 jekemenshik – 1378, 6 keshki – 694), mektepaldy daıarlyq synybynda 9 330 bala oqydy. Jańa oqý jylynda 1 synypqa 18 601 bala qabyldandy.
Birinshi toqsanda 128 mektepte tek 1-synyp úshin kezekshi synyptar ashylyp, onda birinshi synyp oqýshylarynyń 83% oqydy (15 295 oqýshy). Qalǵan oqýshylar ata-anasynyń qalaýymen úıinde, qashyqtan oqytyldy.
Qashyqtan oqıtyn 2-11 synyp oqýshylary úshin mektep.edu.kz platformasy qoldanyldy jáne olar darynonline.kz, bilimland.kz, edupage.kz tsıfrly bilim berý resýrstaryn kontent resýrs retinde paıdalandy.
Oqý jyly bastalǵannan beri koronavırýs ınfektsııasymen oblys mektepteriniń 8 oqýshysynyń jáne 1 muǵalimniń aýyrǵany anyqtaldy. Qazirgi kezde olardy oqshaýlandy, otbasy músheleri karantın rejımine kóshirildi. Kezekshi synyptarda oqıtyn bilim berý mekemelerine qatań sanıtarlyq-epıdemıologııalyq talaptardyń saqtalýy kúndelikti baqylaýǵa alynǵan.
Qazirgi kezde birinshi synyptardaǵy 15 295 (83%) oqýshy árbir synypta 15 baladan aspaıtyn kabınette, ara qashyqty saqtaý jáne kúndelikti termometrııa jasaý arqyly uıymdastyrylǵan 138 (128 memlekettik mekteptiń, 10 jekemenshik mekteptiń) kezekshi synypta oqıdy. Al, qalǵan 2-11 synyptardyń oqýshylary qashyqtan oqytýdy jalǵastyrady.
Qaraqııa aýdany Aqqudyq orta mektebi (shaǵyn jınaqty mektep) shtattyq rejımde oqytyla beredi.
Spıkerdiń aıtýynsha, qashyqtan oqytýdy qamtamasyz etý maqsatynda jergilikti bıýdjet esebinen 8 100 kompıýter, respýblıkalyq bıýdjetten 22 541 kompıýter satyp alynyp, oqýshylarǵa taratylyp berildi.
«Tehnıkalyq jáne kásiptik bilim berý uıymdary tolyqtaı qashyqtan oqytýdy jalǵastyrýda. TjKB uıymdary oqý protsesinde kollege.edu.kz bilim berý platformasyn qoldanady. Sonymen qatar, kolledj stýdentteri men oqytýshylary QR BjǴM qarasty «Kásipqor» holdıngi resmı saıtynyń, oblystyq oqý-ádistemelik kabınetiniń Google DISK oqytý materıaldaryn jáne oqytýshylardyń avtorlyq baǵdarlamalaryn paıdalanady», - dedi A. Seıdalıev.
Baspasóz konferentsııasynda Mańǵystaý oblysy taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Ǵazız Nadýev qatysty. Onyń málimetinshe, oqý jylynyń basynan bastap Respýblıka boıynsha 18 jasqa deıingi balalar arasynda COVID-19 1713 jaǵdaıy tirkeldi, onyń ishinde oqýshylar arasynda 1099 (64,1%) jaǵdaı tirkeldi. Mańǵystaý oblysy boıynsha jańa oqý jylynan bastap búgingi kúnge deıin oqýshylar arasynda barlyǵy COVID-19 zerthanalyq rastalǵan 8 jaǵdaı tirkeldi, onyń ishinde 1 – ýi offlaın rejımde, 7-ýi qashyqtyqtan oqıdy jáne 1 muǵalim.
Oqý jylynan bastap jalpy bilim beretin mektepterde barlyǵy 179 tekserý júrgizildi (erekshe tártip boıynsha 12 tekserý, 167 monıtorıng). Oblystyń 10 mektebinde josparly tekserý kezinde kemshilik anyqtaldy.
«Tekserý nátıjesi boıynsha erekshe tártippen 2 ákimshilik aıyppul salyndy. Salynǵan aıyppul somasy - 83 340 teńge. Kemshilikti joıý týraly 9 uıǵarym berildi. Tekseris barysynda mektepterge talap túsindirildi. Monıtorıng barlyq kemlishik joıylǵanyn anyqtady», - dedi Ǵazız Nadýev.