Mańǵystaýda keı aýrýhanalarda órtelýge tıis preparattar qoqys jáshiginde jatqan
Mańǵystaý oblysynyń densaýlyq saqtaý basqarmasy jáne oblystyq Arnaıy monıtorıngileý toby músheleriniń qatysýymen aımaqtaǵy memlekettik aýrýhanalarǵa, emhanalarǵa jáne perzenthana ortalyqtaryna monıtorıng jumystary júrgizildi.
Monıtorıng barysynda aýrýhanalar men emhanalardyń medıtsınalyq jabdyqtarmen qamtamasyz etilýi, bolashaq analardyń skrınıngten ótkeni, qansha náreste týǵany, olardyń ambýlatorııalyq tekseristen ótýi jáne bala ólimi derekterine monıtorıng kezinde asa mán berilgen.
Taldaý nátıjesinde Mańǵystaý oblystyq aýrýhanasynda satyp alý sharty boıynsha 2019 jyldyń basynan beri medıtsınalyq jabdyqtar alynbaǵany, oblystyq perınataldyq ortalyǵynda jańa týǵan nárestelerge arnalǵan tósektiń jetispeýi, Mańǵystaý aýdandyq perınataldyq ortalyǵynda medıtsınalyq jabdyqtardy qoldaný jáne saqtaýda sanıtarlyq normalary saqtalmaǵany jáne Mańǵystaý aýdandyq aýrýhanasynda órtelýge tıisti paıdalanylǵan preparattar qoqys jáshiginde jatqany anyqtaldy.
Júrgizilgen jumys nátıjesi boıynsha jumys toby taldaý anyqtamasyn jasaqtap, monıtorıng júrgizgen medıtsına mekemelerine anyqtalǵan kemshilikterdi joıý boıynsha usynystar engizdi.