Mańǵystaýda ken ornyndaǵy órtke qatysty qylmystyq is qozǵaldy
AQTAÝ. QazAqparat - Komsomol ken ornynda bolǵan oqys oqıǵaǵa qatysty qylmystyq is qozǵaldy, dep habarlaıdy QazAqparat tilshisi Mańǵystaý oblystyq ІІD baspasóz qyzmetine silteme jasap.
Oblystyq ІІD baspasóz qyzmetiniń habarlaýynsha, atalǵan fakti boıynsha QR Qylmystyq kodeksiniń 156-baby 3-bóligi boıynsha is qozǵalyp, sotqa deıingi tergep-tekserýdiń biryńǵaı tizilimine tirkelgen. Qazir sot-medıtsınalyq saraptama taǵaıyndalyp, sotqa deıingi tergeý júrgizilýde.
Eske sala keteıik, 20 mamyr kúni Komsomol munaı kenishinde órt shyǵyp, saldarynan 1 adam mert bolyp, 3 adam zardap shekken edi. Denesiniń 60 paıyzdan astamyn kúıik shalǵan bir adam jansaqtaý bóliminde jatyr. Onyń tynys alý joldary da kúıip qalǵandyqtan, ózdiginen demala almaıdy. Dárigerlerdiń aıtýynsha, oǵan shokqa sharsy sharanyń bári jasalyp jatyr. Al, taǵy 2 zardap shegýshi travmotologııa bóliminde. Olardyń deneleriniń 40-50 paıyzy kúıgen. Travmotologtar men reanımatologtar naýqastardy baqylap otyr. Aýyr nasqastarǵa kómekke Astanadan dárigerler kelgen.
