Mańǵystaýda kemedegi munaı qaldyqtaryn óńdeýge 35 mln teńge jumsalady

ASTANA. QazAqparat - Bılik qarajat bólý máselesi on kún ishinde sheshiletindigine ýáde berdi. Keme táýlik boıy kúzetke alyndy. Bul jaıly Mańǵystaý oblysy tabıǵı resýrstar jáne tabıǵatty paıdalanýdy retteý basqarmasynyń basshysy Serik Saǵynbaev aıtyp berdi, dep habarlaıdy lada.kz.

Serik Saǵynbaevtyń aıtýynsha, munaı qaldyqtaryn kádege jaratý úshin qoqystardy jınap, tazalap, shyǵarý jáne taratýmen aınalysatyn  merdiger uıym tabý kerek.

«Bizdiń tańdaýymyzda birneshe uıym boldy. Bir uıym atalǵan jumystardy atqarýǵa 39 mıllıon teńge surady. Kelesi kompanııa 36 mıllıon teńge. Biz ; «Qazaqteńizkólikfloty»  kompanııasyna da habarlastyq. Alaıda, olardyń qyzmeti budan da qymbatqa shyqty. Eń tómengi baǵa usynyp otyrǵan kompanııany tańdap alatyn shyǵarmyz. 10 kún ishinde qarjy basqarmasy qarajat bólý máselesin sheshedi», - dedi Serik Saǵynbaev.

«Men jergilikti polıtsııa qyzmetiniń basshysymen sóılestim. Ol kúzetshilerdiń kemeni kúni-túni baqylaıtyndyǵyn aıtty.

Sońǵy tekserý kezinde ekologtar keme aınalasynan zııandy zattar kontsentratsııasynyń uıǵaryndy artýyn baıqamaǵan. Men ol jerde ózim de boldym. Ekologtar arnaıy ydystarǵa barlyq ónimderdi quıyp, tómenge qoıdy. Keme buzylmaǵan, sondyqtan qaýiptenýge sebep te joq», - dedi Serik Saǵynbaev.

Sondaı-aq, ol Mańǵystaý oblysy ákimdiginde quramyna Mańǵystaý tótenshe jaǵdaılar departamenti, oblystyq ishki ister qyzmetkerleri jáne Mańǵystaý oblysy ekologııa departamentiniń ókilderi kiretin arnaıy jumys toby qurylǵandyǵyn aıtty.