Mańǵystaýda kelesi jyly muqtaj jandardy baspanamen qamtýǵa 300 mln teńge bólinbek
AQTAÝ. QazAqparat – Mańǵystaý oblysynda kópbalaly analar men turmysy tómen otbasylardy turǵyn-úımen qamtý maqsatynda 300 mln. teńge bólý josparlanyp otyr,-dep habarlaıdy QazAqparat tilshisi.
Bul týraly Mańǵystaý oblysy ákiminiń birinshi orynbasary Álıhan Qyraýbaev jýrnalıstermen bolǵan brıfıngte aıtty.
Jyl basynan beri 1 mln. sharshy metr turǵyn-úı paıdalanýǵa berilgen. Jyl sońynda 1,2 mln. sharshy metr úıdi qoldanysqa berý josparlanǵan.
«Kelesi jylǵa 46 jobany iske asyrý josparlanyp otyr, oǵan 6 mlrd teńge bólindi. Ony 4,8 mlrd. teńgesine 37 ótpeli jobalar, 1,2 mlrd teńgesine 9 jańa joba júzege asyrylmaq. Negizgi maqsat – turǵyndardy, onyń ishinde halyqtyń áleýmettik osal toptaryn (múgedek balalary bar, kópbalaly az qamtylǵan otbasylar, jetim jáne ata-ana qamqorlyǵynsyz qalǵan balalar) qoljetimdi turǵyn úımen qamtý. Búginde oblysta atalǵan kategorııada 8 491 otbasy bar»,-dedi Álıhan Qyraýbaev.
Sonymen qatar, halyqtyń áleýmettik turǵydan osal toptaryn qoljetimdi turǵyn-úımen qamtý maqsatynda 300 mln. teńgeniń turǵyn úı sertıfıkattary beriledi.
Transport ınfraqurylymyn damytýǵa - 17 mlrd. Teńge jumsals, onyń ishinde joldar qurylysyna 10 mlrd. teńge bólinbek.
