Mańǵystaýda Qazaqstan munaıynyń 120 jyldyǵy toılanýda
Abaı atyndaǵy mádenı-demalys kesheninde ótken merekelik aımaq basshysy Serikbaı Trumov qatysyp, sóz sóıledi.
«Tabıǵat ananyń qushaǵyndaǵy qazynany shashaý shyǵarmaı, el ıgiligine berip otyrǵan adal eńbekterińizge rızashylyǵym sheksiz. Munaıshylardyń eńbekke jumylǵan eren kúshi men qıyn qyzmette bir jeńnen qol, bir jaǵadan bas shyǵara alǵan yntymaǵynyń jemisi» - dedi ákim.
Saltanatty jıyn aıasynda Mańǵystaý óńiriniń áleýmettik-ekonomıkalyq damýyna qosqan úlesi úshin birneshe azamattar Mańǵystaý oblysy ákiminiń Qurmet gramotasymen, «Munaı-gaz keshenin damytýǵa qosqan úlesi úshin» QR Energetıka mınıstrliginiń medalimen marapattaldy.
Jıynnan soń qonaqtar dańqty munaıshy - Safı Ótebaevtyń eskertkishine gúl shoqtaryn qoıdy.
Aıta keteıik, qazirgi tańda elimizde óndiriletin munaı-gaz salasynyń 30%-y Mańǵystaý aımaǵyna tıesili. Oblys bıýdjetiniń de basym bóligi de osy munaı-gaz salasynan túsken salyqtar men mindetti tólemder negizinde quralady.
