Mańǵystaýda qazaq tildi mektepter men balabaqshalar sany 4-5 ese ósti
AQTAÝ. QazAqparat - Mańǵystaý oblysyndaǵy qazaq tilinde bilim beretin mektepke deıingi mekemeler sany 5 esege, mektepter 4 esege kóbeıgen, dep habarlaıdy «QazAqparat» HAA tilshisi.
«1991 jyly Mańǵystaý oblysynda 23 myń 496 bala tárbıelenetin 113 MDM, sonyń ishinde qazaq tilinde bilim beretin 35 balalar baqshasynyń (7 myń 277 bala) irgesi qalanǵan. 2016 jyly MDM sany 244-ke (32 myń 606 bala) deıin jetse, solardyń ishinde 190 uıym - qazaq tilinde bilim beredi» (22 myń 530 bala), - dedi Mańǵystaý oblystyq mektepke deıingi jáne jalpy orta bilim berý basqarmasynyń basshysy Klara Qulataeva.
Jalpy orta bilim berýge baılanysty Klara Qashqynbaıqyzy, 1991 jyly 40 mektepte orys tilinde bilim berilse, 30-y qazaq tilinde bolǵanyn tilge tıek etti. Endi 5 mektep orys tildi jáne aralas 17 mektep qana qalǵan.
«25 jyl buryn jalpy bilim beretin 70 mektep, sonyń ishinde 30-y - qazaq tildi boldy. 2016 jyly oblysta 134 kúndiz jalpy bilim beretin mektep, sonyń ishinde 112 - qazaq tildi, 5-ýi - orys tildi jáne 17 aralas bilim berý oshaǵy jumys jasaýda», - dedi K. Qulataeva.
