Mańǵystaýda qatty jelden 2 kólik aýdarylyp qaldy

AQTAÝ. QazAqparat – 8 jeltoqsanda Shetpe - Saı-Ótes tasjolynda qatty jeldiń saldarynan eki kólik aýdarylyp qaldy, dep habarlaıdy QazAqparat lada.kz saıtyna silteme jasap.

Saǵat 23:10-da «102» nómirine Shetpe - Saı-Ótes tasjolynda «Gazel» markaly eki kóliktiń aýdarylyp qalǵany týraly habar tústi.

«Oqıǵa ornyna patrýldik polıtsııa rotasy ketti. Eshkim zardap shekken joq. Kólikti kóterýge traktormen kómektesti», - dedi óńir polıtsııasynan.

Tártip saqshylary júrgizýshilerden qatty qajettilik bolmasa, rýlge otyrmaýyn suraıdy.
Eske salaıyq, keshe, 8 jeltoqsanda Jetibaı-Shetpe tasjolynyń 96-101 shaqyrymy aralyǵynda shańdy daýyl saldarynan kólik keptelisi týyndaǵan. Oblys aýmaǵynda eki kúnnen beri shańdy daýyl men qatty jel soǵyp tur.