Mańǵystaýda Kaspıı teńizine dızel otynynyń tógilýi boıynsha tergeý bastaldy

AQTAÝ. QazAqparat - Mańǵystaý oblysy Túpqaraǵan aýdanynyń Atash aýylyndaǵy «Batys Munaı Trans» mekemesiniń janynda turǵan «KANTA» kemesinen teńizge shamamen 300 lıtrdeı dızel otyny tógilgeni anyqtalyp, tergeý jumystary bastaldy, de habarlaıdy QazAqparat tilshisi.

Ekologtar lastanǵan sýdan synama aldy. Sondaı-aq QR kásipkerlik kodeksiniń 144-4 babyna sáıkes tekserý jumystary bastaldy.

«Qazirgi ýaqytta Qazaqstan Respýblıkasy Kásipkerlik kodeksiniń 144-4-babyna sáıkes tergeý júrgizilýde. Kompanııa tarapynan teńizdi tazartý jumystary jalǵasyp jatyr», - dedi Mańǵystaý oblystyq ekologııa departamenti basshysy orynbasarynyń m.a. Erjan Jumashev.