Mańǵystaýda qaraýsyz júrgen ıtterge arnaıy oryn salynady

AQTAÝ.QazAqparat – Mańǵystaýda qaraýsyz júrgen ıtterge arnaıy oryn salynbaq. Sol sebepti aýdan-qalalarda jer bólý jumysy bastaldy, dep habarlaıdy QazAqparat tilshisi.

«Osy jyly aqshasy qaralayp, salynyp bitýi kerek. Arnaıy oryndardy ustaý, ıtterdi tirkeý, dárileý, vaktsınatsııa jasaý, sonymen qatar kastratsııa, sterılızatsııa jasaý jumystarymen aınalysýymyz kerek. Onyń barlyǵyna qarajat qarastyrylady», - dedi Mańǵystaý oblystyq aýyl sharýashyly basqarmasy basshysynyń orynbasary Berdibek Marqabaev.

Aqtaýda 2022 jyly eń qaýipti degen 1770 ıt aýlanyp, kózi joıylǵan. Al turǵyndardan 11 myńnan astam aryz túsken.

Qańǵysbas ıtter adamdarǵa shabýymen qosa, panalaǵan jerin nájistep, lastaıdy. Buralqy ıtterdi óltirýge tyıym salynǵan.

Al 2021 jyly Mańǵystaý oblysynda 1400-ge jýyq adamdy ıt qapqan. Zardap shekkenderdiń kóbi 14 jasqa deıingi balalar.