Mańǵystaýda karantın kúsheıtildi

AQTAÝ. QazAqparat - Mańǵystaý oblysynyń bas memlekettik sanıtarlyq dárigeriniń qaýlysy jarııalandy, dep habarlaıdy QazAqparat tilshisi.

Qaýlyǵa sáıkes, endi meıramhana, kafe jáne kofehana tıpindegi qoǵamdyq tamaqtandyrý obektileriniń qyzmeti, ornalasqan jerine qaramastan, kúsheıtilgen rejımde ústelderdiń arasy keminde 2 metr áleýmettik qashyqtyqty saqtaı otyryp, 50% kelýshilerman 30 otyratyn orynnan aspaıtyn talaptardy saqtaı otyryp, jumys kúnderi saǵat 07:00-den 20:00-ge deıin jumys isteı alady.

«Ashyq» jobasyna qatysatyn qoǵamdyq tamaqtaný obektileri, onyń ishinde banket zaldary (meıramhanalar men dámhanalar tıpi boıynsha qyzmet kórsetý, as berý) úshin jumys jáne demalys kúnderi saǵat 07:00-den 20:00-ge deıin jáne ashyq aýada saǵat 7:00-den 22:00-ge deıin (jazǵy zaldar) jumys isteıdi. Ujymdyq, saltanatty sharalar, otbasylyq basqosýlar jáne basqa da buqaralyq is-sharalardy uıymdastyrýǵa jáne ótkizýge qatań tyıym salynady. «Ashyq» jobasyna qatysatyn nysandarda eske alý ótkizýge ruqsat bar.

Ornalasqan jerine qaramastan, fıtnes-ortalyqtardyń, fıtnes-klýbtardyń, ıoga ortalyqtarynyń, sporttyq-saýyqtyrý obektileriniń basseınderdi, saýnalardy, SPA-ny salondar 5 adamnan aspaıtyn toppen «Ashyq» jobasyna qatysatyn obektiler úshin ǵana jumys kúnderi saǵat 10:00-den 22:00-ge deıin jumys isteıdi. Senbi jáne jeksenbi kúnderi jumys isteýge tyıym salynady.

Sonymen qatar, qalaaralyq turaqty avtobýstardyń (shaǵyn avtobýstardyń) qozǵalysyna tyıym salynady.

Qaýly 7 shildeden bastap kúshine enedi.