Mańǵystaýda qansha shaqyrymǵa jýyq jol aqyly bolady
«QazAvtoJol» UQ» AQ Mańǵystaý oblystyq fılıalynyń dırektory Aıbek Ánýarbekov aıtýynsha, jalpy uzyndyǵy 661 shaqyrym avtomobıl joldary aqyly bolady. Olar respýblıkalyq mańyzdaǵy «Atyraý-Dossor-Beıneý-Aqjigit-Ózbekstan Respýblıkasy shekarasy» jáne «Beıneý-Aqtaý» avtojoly. «Atyraý-Dossor-Beıneý-Aqjigit-Ózbekstan Respýblıkasy shekarasy» avtojolynyń Mańǵystaý oblysy boıynsha uzyndyǵy 207 shaqyrym.
«Búginde «Beıneý-Aqjigit-Ózbekstan Respýblıkasynyń shekarasy» avtomobıl jolyna qaıta jańartý jumystary júrgizilip, ótken jyldyń aıaǵynda paıdalanýǵa berilgen bolatyn. Qazirgi ýaqytta «Atyraý-Dossor-Beıneý-Aqjigit-Ózbekstan Respýblıkasy shekarasy» ýchaskesinde 3 baqylaý arkasy ornatylǵan jáne klıenttermen jumys isteýdiń 1 ortalyǵy qarastyrylǵan. Olar aqyly túrde Boranqul, Eset, Sarǵa, Beıneý, Syńǵyrlaý, Aqjigit, Tájen, Tólep, Saıótes, Bozdaq, Jarmysh, Shetpe, Beki, Jetibaı, Munaıshy eldi mekenderi arqyly ótedi. Qazirgi tańda Beıneý-Aqtaý ýchaskesinde 6 baqylaý arkasy ornatylǵan jáne klıenttermen jumys isteýdiń 1 ortalyǵy qarastyrylǵan»,-dedi «QazAvtoJol» UQ» AQ MOF dırektory Aıbek Amanjolov.