Mańǵystaýda qandaı medıtsına mamandary jetispeıdi
Oblys basshysy Serikbaı Trumovtyń tóraǵalyǵymen koronavırýs ınfektsııasy jáne pnevmonııanyń taralýyna jol bermeý jónindegi jedel shtab otyrysy ótti.
Jıynda densaýlyq saqtaý obektileriniń KVI taralýynyń ekinshi tolqynyna daıyndyǵy, densaýlyq saqtaý obektilerine kúrdeli jóndeý júrgizý, densaýlyq saqtaý obektileri úshin jeke qorǵaný quraldarynyń jáne mamandandyrylǵan avtokóliktiń daıyndyǵy, dárihana jelilerinde dári-dármekt turaqtandyrý qoryn qalyptastyrý máseleleri kóterildi.
Densaýlyq saqtaý basqarmasynyń basshysy Jamal Jamanbaevanyń málimetinshe, búgingi tańda 170 ınfektsııalyq, 43 reanımatsııalyq tósek bar.
«Óńirdiń barlyq medıtsına mekemelerinde 246 ÓJJ apparaty bar. Sondaı-aq oblystyq aýrýhanada 638 ottegi kontsentratory, 57-i ÓJJ apparaty bar. Qazirgi ýaqytta halyqqa 121 medıtsınalyq mobıldi top qyzmet kórsetýde. Jýyrda mamandandyrylǵan 86 jedel járdem avtokóligi jetkiziledi»,-dedi Jamal Jamanbaeva.
Oblys ákiminiń orynbasary Ǵalymjan Nııazov demeýshilik jáne gýmanıtarlyq kómek arqyly alynǵan medıtsınalyq qorǵanysh kostıými jaıynda aqparat berdi.
«Jeke qorǵanys quraldaryna bólingen bıýdjettiń qarjysyna, demeýshilik jáne gýmanıtarlyq kómek arqyly 2 aıǵa jetetin 46 424 ártúrli tıptegi medıtsınalyq qorǵanysh kostıými, 2,026 mln maska (1,9 mln 3 qabatty jáne 7000 4 qabatty maska, 27 660 respıratorlyq maska jáne basqalar), 143 650 qolǵap, 24 380 dezınfektsııalyq qural jáne 129 ınfroqyzyl termometr alynǵan. Odan bólek 876 523 bir rettik medıtsınalyq qolǵap jetkizilý josparlanýda», - dedi ol.
Jıynda koronavırýs ınvektsııasynyń aldyn alý maqsatynda óńirdegi aýrýhanalarda júrgizilip jatqan jóndeý jumystary jaıynda aıtyldy.
«Búgingi kúni óńirde «Jumyspen qamtýdyń jol kartasy» aıasynda Aqtaýda 3 nysanda jóndeý jumystary júrgizilýde. Olar balalar, oblystyq aýrýhana jáne qalalyq emhana. Oblystyq jáne balalar aýrahanasyndaǵy jumystar aıaqtaldy. Al, ınfektsııalyq ortalyqtyń qurylys jumystary jalǵasyp jatyr, 15 qazan kúni aıaqtalady»,- dedi Mańǵystaý oblysy ákiminiń orynbasary Nurlybaı Aqqulov.
Budan bólek, dári tapshylyǵyn boldyrmaý maqsatnyda qolǵa alynǵan sharalar jaıynda oblys ákiminiń orynbasary Baqytjan Qashaqov baıanama jasady.
Onyń málimetinshe, óńirde 325 dárihana jumys istep tur.
«KVI emdeýge arnalǵan 22 túrli dáriniń dárihanalarda bolýy únemi baqylaýda. Qazirgi ýaqytta óńirde 325 dárihana jumys isteıdi, onyń 3-i birqatar medıtsınalyq preparattardy daıyndaýǵa lıtsenzııasy bar. Dárihanalardy dári-dármekpen úzdiksiz qamtamasyz etý maqsatynda óńir kásipkerlerine bir rettik tasymaldaýǵa ruqsat berildi. Bul shara óńirdi eki aılyq dári-dármekpen qamtamasyz etýge múmkindik beredi», - dedi B.Qashaqov.
