Mańǵystaýda KamAZ-ǵa soǵylǵan jeńil kólik júrgizýshisi qaza tapty
ASTANA. QazAqparat - Aqtaý-Shetpe tas jolynda Ford jáne «KamAZ» avtomobılderi soqtyǵysyp qaldy, dep jazady Lada.kz
Jol apaty 22 jeltoqsan kúni Shetpe kentiniń irgesinde bolǵan. Kýágerlerdiń aıtýynsha, Ford tizginindegi 54 jastaǵy júrgizýshi jalǵyz ózi Aqtaýdan Krasnodarǵa ketip bara jatqan. Qarsy betke shyǵyp ketken ol «KamAZ» júk kóligimen betpe-bet soǵylǵan.
«Munaıshy» qutqarý beketindegi apattyq medıtsına ortalyǵynyń mamandary oqıǵa ornyna attandy, olar 13:23 te Ford júrgizýshisiniń aýyr jaraqat saldarynan kóz jumǵanyn anyqtady.
Qazir atalǵan oqıǵanyń anyq-qanyǵyn jaýapty oryndar tekserip jatyr.
