Mańǵystaýda iz-túzsiz ketken 2 adam izdestirilip jatyr
AQTAÝ. QazAqparat - Mańǵystaý oblysynda iz-túzsiz ketken eki jigit izdestirilip jatyr, dep habarlaıdy QazAqparat tilshisi MO ІІB baspasóz qyzmetine silteme jasap.
Іzdeý jumystary qalalyq ІІB krımınaldy polıtsııa bólimimen júrgizilýde.
Joǵalǵandardyń biri - Orynbasar Amantýrlıev. Ózbekstan eliniń týmasy. Ol 26 shilde kúni qaladaǵy 26 shaǵyn aýdandaǵy jumys jasaıtyn orny oblystyq aýrýhanadan shyǵyp ketip, úıine kelmegen.
Orynbasardyń boıy 175-180 sm, qara shashty, aryqtaý kelgen. 26 shilde kúni ústine aq tústi fýtbolka, djınsy shalbar jáne tapochka kıgen. Qolynda qońyr tústi sómkesi bolǵan.
Al, ekinshi iz-túzsiz ketken - Elaman Borashev. Joǵalǵanyna 2 aıdaı ýaqyt bolǵan. ІІB málimetinshe, 28 shaǵyn aýdandaǵy úıinen 7 maýsym kúni shyǵyp ketip, qaıtyp oralmaǵan.
Elamannyń boıy 170-175 sm. Aryq deneli, qara shashty. Sol kúni ústinde sury tústi fýtbolka, kók djınsy kıgen.
ІІD joǵalǵan adamdardy kórgen-bilgenderińiz bolsa 8 7292 47-48-27, 47-48-25, 47-48-02, 8-778-666-27-72 nemese 102 nómirlerine habarlasýyn suraıdy.
