Mańǵystaýda ıtbalyqty qorlaǵandar qylmystyq jaýapkershilikke tartyldy
«2020 jyldyń 6 shildesinde Mańǵystaý oblysy orman sharýashylyǵy jáne janýarlar álemi aýmaqtyq ınspektsııasy belgisiz adamdardyń ıtbalyqty qorlaý faktisi boıynsha Mańǵystaý oblysy Qaraqııa aýdany polıtsııa bólimine shaǵym túsirgen. Polıtsııa bólimi atalǵan fakti boıynsha QR QK 316-baby 2-bóligine (Janýarlarǵa qatygezdik jasaý) sáıkes olardyń jeke basyn anyqtap, qylmystyq is qozǵady», - dep jazdy Sáken Dildahmet Facebook -tegi paraqshasynda.
Qazirgi ýaqytta kúdiktilerge qatysty sotqa deıingi tergeý jumystary bastalǵan.
«Dostar! Jabaıy janýarlarmen kezdesip qalsańyzdar qashyqtyq saqtańyzdar jáne abaı bolyńyzdar», - dedi Sáken Dildahmet.
Eske sala keteıik, 6 shilde kúni áleýmettik jelide demalyp jatqan adamdar Kaspıı ıtbalyǵyna tas laqtyrǵany týraly vıdeo paıda boldy. Vıdeoda kórinip turǵandaı, ıtbalyq adamdarǵa shabýyl jasaý nıetinsiz, qyzyq kórip jaqyndaǵan.
Bul fakti boıynsha Mańǵystaý oblysynyń orman sharýashylyǵy jáne janýarlar álemi aýmaqtyq ınspektsııasy oblystyq polıtsııa departamentine hat joldady. Onda janýardy qorlaǵan adamdardy anyqtap, jaýapkershilike tartý jóninde aıtylǵan.