Mańǵystaýda iri jol apatynan 4 adam qaza tapty

AQTAÝ. QazAqparat - Mańǵystaý oblysy ІІD Jańaózen q. ІІB krımınalısteri 4 jolaýshynyń ólimine alyp kelgen iri jol apatynyń sebebin tergeýge kiristi. Keshe keshke «Jańaózen-Qulandy» tas jolynda Jańaózen qalasynan 10 shaqyrym jerde «Lada VAZ-2115» pen «Mitsubishi Pajero» djıpi soqtyǵysty.

«Jańaózen qalalyq №13 mamandandyrylǵan qyzmetiniń pýltine habarlama 11 tamyzda 20:54-te kelip tústi. 12 mınýttan keıin 21:06-da «Gazelge» jabdyqtalǵan mamandandyrylǵan kólik oqıǵa ornyna jetti. Mashınanyń gıbro jabdyǵy apat  kezinde zardap shekken adamdardy alyp shyǵýda sátti qoldanylyp keledi.

Oqıǵa ornyna jetken qyzmetkerler eki zardap shekken adamdy jáne eki adamnyń múrdesin tapty. Olardy sol jerdegiler qırap qalǵan kólikten shyǵara almaǵan. Eki múrde maıysyp qalǵan «Lada VAZ-2115» kóliginiń ishinde bolǵan, olardy kólikti keskennen keıin baryp alyp shyqty. Qaza bolǵandar sany 4-eý. Zardap shekkender shuǵyl medıtsınalyq kómek dáringerlerine tabys etildi», - dep habarlady Mańǵystaý oblystyq TJD-nyń Órt sóndirý jáne AQJ qyzmeti bastyǵynyń orynbasary N. Selimov.