Mańǵystaýda iri jol apaty boldy

AQTAÝ. QazAqparat - Búgin Batyr- Qyzyltóbe aýyly baǵytynda bolǵan iri jol apaty saldarynan 3 adam qaza taýyp, 3 adam zardap shekti, dep habarlaıdy QazAqparat tilshisi.

Saǵat 10-dar shamasynda eki kólik soqtyǵysyp, bireýi janyp ketken.

Jol apaty saldarynan Munaıly aýdanynyń turǵyndary 40 jastaǵy er adam men 35 jáne 42 jastaǵy áıelder oqıǵa ornynda qaza tapqan. Al, 3 adam oblystyq aýrýhananyń jansaqtaý bólimine jetkizilgen.

Densaýlyq saqtaý basqarmasy baspasóz qyzmetiniń habarlaýynsha, olardyń jaǵdaıy aýyr.

«1995 jyly týǵan 2 jigit jáne 1975 jylǵy er adamǵa jabyq mı jaraqaty, keýde tusynyń jaralanýy dıagnozdary qoıyldy»,-delingen habarlamada.

Oblystyq Polıtsııa departamentiniń habarlaýynsha, atalǵan derek sotqa deıingi tergeýdiń biryńǵaı tizimine engizilgen.

«QR Qylmystyq kodeksiniń 345 baby, 4-bólimi boıynsha is qozǵalyp, sot medıtsınalyq saraptama taǵaıyndaldy. Tergeý júrgizilýde»,-delingen habarlamada.