Mańǵystaýda iri kólemde qarajat jymqyrǵan esepshi áıel 7 jylyn túrmede ótkizedi
Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıgaıdarov málimdedi.
«Mańǵystaý oblysyndaǵy Sybaılas jemqorlyqqa qarsy qyzmet Qaraqııa aýdany ákiminiń apparatynyń bas esepshisi R. Baıtúzelova men statıst R. Bazarbaevaǵa qatysty tergeýdi aıaqtady. Olar jalaqy, demalys tólemderi, bonýstyq tólemder jáne issapar shyǵystary túrinde kartalyq shotqa zańsyz aýdarý arqyly 18 745 011 teńge bıýdjet qarajatyn jymqyrdy degen kúdikke ilindi», - dedi D. Bıgaıdarov Facebook paraqshasynda ótken onlaın brıfıngte.
2020 jyldyń 15 maýsymynda Qaraqııa aýdandyq sotynyń úkimimen R. Baıtúzelova asa iri mólsherde qarajat jymqyrǵany úshin 7 jylǵa bas bostandyǵynan aıyryldy. Biraq, QR Qylmystyq Kodeksiniń 74-baby, 1-bóligine sáıkes, sottalýshynyń 2017 jyly týǵan sábıi 14 jasqa tolǵansha bas bostandyǵynan aıyrý jazasy 2031 jyldyń 28 maýsymyna deıin shegerildi.
Al R. Bazarbaevaǵa qyzmettik jaǵdaıyn paıdalanyp, qarajat jymqyrǵany úshin 4 jylǵa bas bostandyǵyn shekteý jazasy taǵaıyndaldy.
