Mańǵystaýda ınvestıtsııa qaı salaǵa kóp tartylǵan
AQTAÝ. QazAqparat - Mańǵystaý óńirinde negizgi kapıtalǵa salynǵan ınvestıtsııa kólemi birneshe ese artyp, 371 mlrd. teńgeni qurady, dep habarlaıdy QazAqparat tilshisi.
Qarajat ásirese, ónerkásip, transport jáne múlikke baılanysty salaǵa tartylǵan.
Mańǵystaý ınvestıtsııa tartýdan Respýblıka boıynsha 6-shy orynǵa turaqtady. Ótken jylmen salystyrǵanda ınvestıtsııa kólemi transport, jol-kólik - 97,7 mlrd.teńge (2 ese), qurylys - 4,0 mlrd.teńge (2,4 ese), bilim - 9,3 mlrd.teńge (23 ese), densaýlyq saqtaý - 1,3 mlrd.teńge (4 ese), ǵylym men tehnıka salasynda - 1,5 mlrd.teńge (2,6 esege) artty.
Bıyl oblysta jeke kapıtaldy tartý arqyly quny 12,8 mlrd. teńgege 18 joba iske asqan. Metalýrgııa, munaı servısi, energetıka, qurylys materıaldary, hımııalyq ónerkásip salasynda jańa jumys oryndary ashylyp, iske qosylǵan. Investıtsııa kólemin arttyrý maqsatynda birneshe eldiń ókilderimen kezdesý ótken.
«Oblys ákimdigi Ulybrıtanııa, Shveıtsarııa, Germanııa, Qytaı, Frantsııa, Túrikmenstan, Reseı elderiniń ınvestorlarymen kezdesý ótkizdi. 9 memorandýmǵa qol qoıyldy»,-deıdi Mańǵystaý oblystyq ındýstrııalyq-ınnovatsııalyq damý basqarmasy basshysynyń orynbasary Talǵat Ábdiqadyrov.
Aldaǵy 3 jyl ishinde 1,8 trln. teńgege 65 joba júzege asyrylmaq. Aýyl sharýashylyǵy salasynda, qalanyń ınfraqurylymyn arttyrý maqsatynda birqatar jobalar iske asatyn bolady.
Jalpy, elimiz boıynsha ınvestıtsııalyq qor qurylady. Úkimet otyrysynda sala mınıstri Jeńis Qasymbek osylaı dep málimdeme jasaǵan edi. Qor sheteldik ınvestorlarǵa qarajattyń naqty ári qajet jobalarǵa tartylýyn qamtamasyz etedi.
«Negizgi tıimdilikterine toqtalyp ótsek. Qor uzaq jylǵy ınvestıtsııany tartý úshin basty áriptes retinde bolady. Bul qarjylyq operatsııalardy oryndaýda únemdi bolyp, ýaqytynda oryndaýǵa múmkindik beredi. Investıtsııa iri paıda ákeletin jobalarǵa tartylyp, tolyq iske asqanǵa deıin qordyń qoldaýymen júrgiziledi»,-deıdi Mańǵystaý oblystyq ındýstrııalyq-ınnovatsııalyq damý basqarmasy basshysynyń orynbasary Talǵat Ábdiqadyrov.
Osyǵan deıin Mańǵystaýda sý tushytý zaýytynyń qurylysy bastalatyndyǵyn jazdyq.
