Mańǵystaýda indetke shaldyqqandar sany kóbeıse karantın talaptary kúsheıtilmek
Oblystyń bas sanıtar dárigeriniń habarlaýynsha, óńirde 2020 jyldyń 27 naýryzy men 12 qazan aralyǵynda (shaǵymy, shaǵymsyz) 3362 COVID-19 jaǵdaıy tirkelgen. Onyń ishinde 1147 shaǵymy bar, 2215 shaǵymsyz naýqas anyqtalyp otyr.
Búgingi tańda koronavırýs ınfektsııasynan qaıtys bolǵandar - 72 naýqas, emdelip shyqqandar - 3267 (97,1%). Oblysta barlyǵy koronavırýstyń shaǵymy bar túrin juqtyrǵan 1147 naýqas tirkeldi, onyń ishinde Aqtaý qalasy - 470, Jańaózen - 157, Túpqaraǵan - 38, Qarakııa - 75, Mańǵystaý - 41, Munaıly - 168, Beıneý - 198 boldy.
«Koronavırýs ınfektsııasymen aýyrǵandardyń ishinen syrttan ákelgender - 6 jaǵdaı, jergilikti - 870 jaǵdaı (ózderi qaralǵandar - 647, skrınıng - 223), qarym-qatynasta bolǵandar - 271 jaǵdaı. Infektsııa juqtyrǵandardyń ishinde medıtsına qyzmetkerleri-74, múgedekter-9, jumyssyzdar-285, oqýshylar-43, zeınetkerler-261, áskerı bólimderden-18, kenoryndaǵy tamaqtandyrý «Kaspıan Fýd» mekemesinen-9, áskerge shaqyrylǵandardan-4, «TeńizshevrOıl» qyzmetkerleri-35, óndiristik mekemede-130, memlekettik qyzmetkerler-24, stýdentter- 21, taǵy basqalar-167, bala-baqsha qyzmetkerlerimen muǵalimder-23, ishki ister qyzmetkerleri-10», -dedi Ǵazız Nadýev.
Oblysta 2020 jyldyń 13 qazanyna PTR tásilimen memlekettik jáne jeke menshik zerthanalarda barlyǵy 120 756 adam tekserilip, onyń 3362 oń nátıje berdi. Ulttyq saraptama ortalyǵynda búgingi tańda 15 myńnan astam test synamasy bar. Epıdemıologııalyq tekserý qorytyndysymen qarym-qatynastaǵy adamdardyń anyqtalǵan sany-7353, onyń ishinde jaqyn qarym qatynasta 5355 (72,8%), yqtımal qarym qatynasta-1998 (27,2%). Zerthanalyq jolmen 6223 adam tekserilip, onyń 271 (4,4%) oń nátıje bergen.