Mańǵystaýda gazet-jýrnaldy dron jetkize bastady
Jalpy alǵanda, drondar merzimdi basylymdardy oblystyń segiz aımaǵyna jetkizedi, olar - Mańǵystaý, Batyr, Baıandy, Dáýlet, Qyzyltóbe, Saıyn, Qyzylsaı jáne Aqshuqyr aýyly.
Basylymdardy dronmen jetkizý jobasyn Qazposhta úshinshi jyl iske asyrýda. Biraq buǵan deıin hattar men gazet-jýrnaldar dronmen tek Almaty, Jambyl, Qaraǵandy, Túrkistan, Shyǵys Qazaqstan jáne Qostanaı oblystarynda jetkizilip kelgen. Bıyl jobaǵa batystyń Mańǵystaý jáne Aqtóbe oblystary qosyldy.
«Dron jetkizý protsesin ońtaılandyrýǵa kómektesedi, biraq olar poshta qyzmetkeriniń jumysyn eshqashan almastyrmaıdy. Eń bastysy -respýblıkalyq gazetterdiń oqyrmandary olardy osy aýylǵa poshta kóligi kelgen kúni emes, gazet shyqqan kúni alady. Dronnyń artyqshylyǵy - joǵary utqyrlyq, jol sapasynan táýelsizdik jáne energııany az tutyný», - deıdi «Qazposhta» AQ Mańǵystaý oblystyq fılıalynyń dırektory Darıǵa Ótebalıeva.
Jalpy alǵanda, jobany iske asyrý barysynda drondar 4 960 saǵatta 145 myń shaqyrymdy ushyp ótip, shamamen 18,5 tonna merzimdi basylymdy tasymaldady. Barlyq aýdandarda 2 jáne 4 kg júk kótere alatyn 20 dron jumys isteıdi.