Mańǵystaýda «Fırdoýsıdiń «Shahnamesi» - álem ádebıetiniń jaýhary» atty kórme ótedi
AQTAÝ. QazAqparat - Mańǵystaý oblysynyń ákimdigi men Iran Islam Respýblıkasynyń Qazaqstan Respýblıkasyndaǵy Bas konsýldyǵy «Fırdoýsıdiń «Shahnamesi» - álem ádebıetiniń jaýhary» atty kórmesi uıymdastyrmaq.
Mańǵystaý oblysy ákimdiginiń baspasóz qyzmetiniń habarlaýynsha, atalmysh shara 2018 jyldyń 11 shilde - 3 tamyz aralyǵynda Kaspıı jaǵasyndaǵy eki eldiń qarym-qatynastaryn nyǵaıtý maqsatynda jáne Mańǵystaý oblystyq tarıhı-ólketaný mýzeıinde ótkiziledi.
«Fırdoýsıdiń «Shahnamesi» - álem ádebıetiniń jaýhary» kórmesi 11 shilde kúni saǵat 16.00-de ashylady. Bul kórmege «Shahname» shyǵarmasynyń qazaqsha nusqasy, shyǵarmanyń mazmunyn sıpattaıtyn sýretter, orys tilindegi Iran jazýshy, aqyndarynyń shyǵarmalary qoıylady.
Sonymen qatar, kórmege kelýshiler Iran eliniń mádenıetimen urpaqtan urpaqqa mura bolyp kele jatqan janýarlardyń súıegi túrindegi mozaıkalardan turatyn ártúrli aǵashtardan jasalynǵan qobdıshalar, túrli sıýjetti kompozıtsııadan turatyn taǵamdar, erte kezeńdegi tehnologııamen jasalynǵan dastarhan t.b zattar arqyly tanysa alady.
Kórmeni Mańǵystaý oblysynyń ákiminiń orynbasary Sqaqov Maqsat Nurlybekuly, Aqtaý qalasyndaǵy Iran Islam Respýblıkasynyń Bas konsýldyǵy basshysynyń mindetin atqarýshy Mohammad Hosseınǵolı Nýrı, IIR Qazaqstandaǵy Elshiliginiń keńesshisi, mádenı ortalyq dırektory Masýd Sheıh Zeıneddın ashady.
