Mańǵystaýda ejelgi adam qańqalary tabyldy
AQTAÝ. QazAqparat - Mańǵystaý aýdanynan ejelgi adam qańqalary tabyldy. Bul týraly Mańǵystaý tarıhı-mádenı qoryǵynyń arheologııa jəne arhıtektýra bóliminiń jetekshisi Berik Tólegenuly aıtty, dep habarlaıdy QazAqparat tilshisi.
Bekbolat Tólegenulynyń aıtýynsha, adam qańqalary tabyldy degen aqparatty Mańǵystaý aýdanynyń ІІB qyzmetkerleri habarlaǵan. Olarǵa mundaı jańalyqty qurylysshylar aıtypty.
«Adam qańqalary Mańǵystaý aýdanyndaǵy Jyńǵyldy selosyna qarasty «Egin aýyl» eldi-mekeniniń janyndaǵy tóbeden sý qubyryna arnalǵan transheıa qazý kezinde tabylǵan. Ekskavatormen jerdi qazý kezinde 1,8 m tereńdikten súıekter shyǵa bastaǵan. Sol ýaqytta qurylysshylar tabylǵan súıekti qaramaq bolyp, úıindilerdi túrtkende transheıaniń bir bóligindegi bor tasty jar kezdeısoq opyrylyp 80h80sm qýys paıda bolǵan. Qýystyń ishinen 3 adamnyń qańqalary jatqanyn kórip, dereý polıtsııa qyzmetkerlerine habarlaǵan. Atalǵan qýystyń eki jaǵynda 1-2 metr aralyqta da súıektiń bólikteri kezdesedi»,-deıdi Bekbolat Tólegenuly. 
QR «Tarıhı-mádenı qorǵaý jáne paıdalaný» týraly zańyna sáıkes, ol jerde qurylys jumystary ýaqytsha toqtalytylyp, polıtsııa qyzmetkerlerine túsinikteme berilgen.
Mamannyń aıtýynsha, jerleý orny týraly tolyq aqparat alý úshin arxeologııalyq qazba jumystary júrgizilý kerek. Tek 25 qazan kúni óńirdegi bilikti maman, arxeolog A. Astafevtiń qatysýymen oqıǵa ornynda apattyq-qutqarý jumystary júrgizilgen.
Transheıa boıyndaǵy qabyrǵalarda katakomba jerleý kesheni esikterine uqsas belgiler baıqalady.
Transheıanyń boıynan 8 katakombanyń esigi bar kórinedi. Sondaı-aq, tazalaý jumystary kezinde birneshe adamnyń qańqalary taǵy tabylǵan.
«Eskertkish týraly naqty aqparat berý qıyn, ol jaǵy zerttelýi kerek. Biraq aldyn-ala boljam boıynsha, jerleý rásimderine sáıkes, bul bizdiń zamanymyzdyń I-V ǵasyrlary aralyǵyna tıesili bolýy múmkin. Buǵan deıinde ólke arheologtary katakombalyq jerleý oryndaryn oblys aýmaǵynda Syrlytam, Shaǵataı, Qumyra atty eskertkishterdi tapqan bolatyn. Alaıda «Jyńǵyldy» katakombasynyń olardan ereksheligi jerleý bólmeleriniń kóptiginde. Sebebi katakombany tabýdyń ózi úlken olja. Atalǵan eskertkishtiń buryn tabylǵan eskertkishterimen uqsastyǵyn eskere otyryp, «Jyńǵyldy» dep atalatyn katakombalyq jerleý ornyn tolyqqandy zertteý qajet»,-deıdi oblystyq Mańǵystaý tarıhı-mádenı qoryǵynyń arheologııa jəne arhıtektýra bóliminiń jetekshisi.
