Mańǵystaýda epıdemıologııalyq ahýal kúnnen kúnge kúrdelenip barady - departament

AQTAÝ. QazAqparat - Mańǵystaýda 2 kúnniń ishinde koronavırýstan 6 adam kóz jumdy. Bul týraly Qoǵamdyq kommýnıkatsııa ortalyǵynda ótken brıfıngide Mańǵystaý oblysy sanıtarııalyq-epıdemıologııalyq baqylaý departamentiniń basshysy Ǵazız Nadýev málim etti, dep habarlaıdy QazAqparat tilshisi.

Onyń aıtýynsha, Mańǵystaý oblysynda epıdemıologııalyq ahýal kúnnen kúnge kúrdelenip barady. Máselen, 7-13 shilde aralyǵynda koronavırýs ınfektsııasynyń 965 jaǵdaıy tirkelgen. Al sońǵy eki kúnde qaýipti aýrýdan 6 adam kóz jumdy.

«Ókinishke qaraı, turǵyndar áli de bolsa túrli jıyndarǵa, merekelik sharalarǵa qatysady. Sáıkesinshe, betperde taǵý, áleýmettik ara qashyqtyqty saqtaý, qol gıgıenasy sııaqty karantındik talaptar saqtalmaıdy. Osynyń barlyǵy indettiń órshýine ákeledi. Sondyqtan azamattardy epıdemıologııalyq ahýalǵa salmaqty qarap, vaktsınanyń mańyzdylyǵyn túsinýge shaqyramyn», - dedi Ǵazız Nadýev.

Baspasóz konferentsııasyna Mańǵystaý oblysy densaýlyq saqtaý basqarmasy basshysynyń orynbasary Amanbek Jumyrov ta qatysty.

Onyń málimetinshe, 1 apta ishinde óńirdegi 10 ınfektsııalyq statsıonarda 530 tósek oryn 701 tósekke kóbeıtildi. Aqtaý qalasynyń ınfektsııalyq statsıonaryndaǵy 230 tósek oryn 330-ǵa kóbeıse, Janaózen qalasyndaǵy aýrýhanadaǵy 92 tósek oryn 158-ge kóbeıtildi. Tósek oryn tolymdylyǵy 62,7%. Oblys boıynsha koronavırýs indetine qarsy barlyǵy 440 adam em qabyldap jatyr. Onyń 202-i jasandy otteginiń kómegimen demalýda. Jansaqtaý bólimine 44 naýqas ornalastyrylǵan.

«Osy kúnge deıin oblysqa kelgen vaktsınanyń 212 250 dozasy jetkizildi. Onyń 121 767 dozasy egildi. Qazir qoldanysta reseılik «Sputnik V», otandyq «QazVac» jáne «CoronaVac» vaktsınalary bar. I – komponentpen 83654 , II – komponentimen 44480 adam egildi. 1 aqpan men 1 shilde aralyǵynda 1-komponentpen 58 815 adam egilse, 1-14 shilde aralyǵynda 24 839 adam vaktsına alǵan», - dedi Amanbek Jumyrov.