Mańǵystaýda elektr energııasynyń tarıfi qymbattady
«Jańa tarıftiń baǵasy qanshalyqty qymbattaıtynyn kelesi mysaldarmen qarastyrýǵa bolady. Eger buryn bir bólmeli páterdiń menshik ıesi óziniń elektr energııasyn tutyný kólemi úshin aıyna 1915 teńge tólese, endi ol shamamen 2055 teńge tóleıtin bolady. Al eki bólmeli páter ıeleri buryn 2700 teńge tóleıtin bolsa, endi bul soma shamamen 2900 teńgege deıin ósedi. Úsh bólmeli páter ıesi úshin tarıf 4700 teńgeden 5000 teńgege deıin ósedi. ıAǵnı aqshalaı kelgende bul asa úlken soma emes, - deıdi Jandos Salımov.
Jalpy Aqtaý jáne Munaıly aýdanynyń turǵyndary úshin elektr energııasynyń tarıfi 9%, ıaǵnı 17,88 teńgeden 19,49 teńgege deıin ósti. Bul óńirdiń basqa eldi mekenderine de áser etti. Tarıftiń ósýi - taýarlyq gazdyń qymbattaýy men elektr energııasyn óndirýge qajetti materıaldar baǵasynyń kóterilýine baılanysty bolyp otyr.
Sol sebepti energııa tasymaldaýshy kompanııalar qıyn jaǵdaıǵa tap bolyp, tarıfterdi kóterý týraly ótinishpen tabıǵı monopolııalardy retteý departamentine júginýge májbúr bolǵan. Sonymen qatar tutynýshylardyń «MAEK-Qazatomónerkásip» JShS 10 mlrd teńgege jýyq qaryzy jaǵdaıdy odan saıyn qıyndatyp otyr.