Mańǵystaýda eldi mekenderdi aýyz sýmen qamtýǵa 1,3 mlrd teńge bólindi
AQTAÝ. QazAqparat - Aǵymdaǵy jyly óńirdegi eldi mekenderdi túgeldeı derlik aýyz sýmen qamtamasyz etýge baǵyttalǵan 13 joba júzege asyrylmaq, dep habarlaıdy QazAqparat tilshisi.
Bul maqsatta Respýblıkalyq bıýdjettiń naqtylanýy kezinde 1,3 mlrd teńge bólindi. Oblystyq energetıka jáne turǵyn úı-kommýnaldyq sharýashylyq basqarmasynyń basshysy Sapar Amanbekov apparattyq jıynda osylaı málim etti.
2018 jyldyń 5 aıdyń qorytyndysynda qala boıynsha 100% sýmen, al oblystaǵy 61 aýyldyq eldi mekenniń 39-y nemese 64% ortalyqtandyrylǵan aýyz sýmen qamtamasyz etilgen.
Qazirgi kezde aımaqtaǵy sýmen qamtý 3 sý kózi arqyly júzege asyrylady. Ótken jyly sý tutynýdyń jalpy kólemi 44,6 mln tekshe metrdi, al táýligine 122,2 myń tekshe metrdi quraǵan.
Sapar Amanbekovtiń aıtýynsha, 2020 jylǵa deıin bul kórsetkish táýligine 70 myń tekshe metrge jetedi dep kútilýde.
