Mańǵystaýda ekpeden bas tartqan ata-analar sany azaımaı tur
AQTAÝ. QazAqparat - Qoǵamdyq densaýlyq qorǵaý departamentindegi bólim basshysy Gúlzada Maksımova ekpeden adamdardyń bas tartý sebepterin túsindirip berdi, dep jazady Lada.kz .
2016 jyly ekpeden bas tartqan ata-analar sany 1 116 adamǵa jetipti.
«Ekpeden eń kóp kóp bas tartqandar bıyl Aqtaý qalasynda tirkeldi - 569 adam. Munaıly aýdanynda 180 balanyń ata-anasy ekpege qarsylyq bildirdi. 1 092 adamnyń ishindegi 514 ata-ana egý baǵdarlamasynan ózderiniń jeke kózqarastaryna sáıkes bas tartty. Dinı nanymyna baılanysty 412 adam bas tartsa, 141 adam ekpege senimsizdik bildirgen, al 25 adam ınternetten alǵan aqparaty boıynsha vaktsınatsııany qabyldamady», - dedi Gúlzada Maksımova.
Onyń aıtýynsha, 2018 jyldan bastap óńirde juqpaly jáne juqpaly emes aýrýlardyń aldyn alatyn úılestirý keńesi iske kirisedi.
«Ashylatyn ortalyqta resbýlıkalyq klınıkalardan kelgen bilikti mamandar jergilikti allergolog, nevropatolog sııaqty mamandardy daıyndaıdy. Bolashaqta olar epıdemıologtarmen birigip, turǵyndarǵa ekpe baǵdarlamasyn nasıhattaıdy», - dedi Gúlzada Maksımova.
2018 jyldyń 1 qańtarynan bastap, Qazaqstanda ekpe máselelerine baılanysty kóparnaly «qaýyrt jeli» iske qosylmaq. 8 800 070 0830 nómirine qalalyq nemese uıaly telefonnan táýlik boıy tegin habarlasýǵa bolady. Turǵyndardyń saýaldaryna ımmýnnolog, epıdemıolog dárigerler jaýap beredi.
Aıta keteıik, dinı kózqarastaryna baılanysty ekpeden bas tartqandar sany boıynsha Mańǵystaý oblysy elimizde úshinshi orynda.
