Mańǵystaýda ekologııalyq talaptardy buzǵan kompanııanyń ústinen 6 is qozǵaldy
ASTANA. QazAqparat - Ekologtar Mańǵystaý oblysyndaǵy «Ekoterra» JShS-niń sharýashylyq qyzmetine ekologııalyq zańnama talaptarynyń saqtalýy máselesi boıynsha jospardan tys tekseris júrgizdi, dep habarlaıdy QazAqparat tilshisi Energetıka mınıstrliginiń baspasóz qyzmetine silteme jasap.
Jospardan tys tekseris jumystaryna QR UQK Mańǵystaý oblysy boıynsha departamenti men Ekologııalyq retteý jáne baqylaý komıtetiniń tapsyrmalary, sondaı-aq «Eko Mańǵystaý» ÚEM-nyń ótinishi sebep bolǵan.
«Inspektsııalyq tekserý nátıjesi «Ekoterra» JShS tarapynan óreskel ekologııalyq buzýshylyqtardy kórsetti. 2016 jyly berilgen memlekettik ekologııalyq saraptamanyń qorytyndysyna sáıkes, Jetibaı ken orny aýdanynda jáne burǵylaý qaldyqtaryn qaıta óńdeý polıgonynda quramynda munaı bar qaldyqtardy qabyldaý úshin 5 birlik karta, qabyldanǵan qaldyqtardy kádege jaratý úshin birneshe qondyrǵylar men jabdyqtar, basqa da qosalqy tehnıka men tehnologııalar salý qarastyrylǵan. Alaıda «Ekoterra» JShS qaýipti qaldyqtardy qaıta óńdeý jáne kádege jaratý jónindegi qyzmetti júzege asyrý úshin joǵaryda kórsetilgen jobada kózdelgen osy nysandardy turǵyzbaǵan», - dep habarlaıdy Energetıka mınıstrliginen.
Tekserýdi júzege asyrý barysynda 24 300 m2 alańda nemese 9 720 m3 kóleminde qaýipti qaldyqtardy zańsyz saqtaý faktisi anyqtalǵan. Onyń jartysynan astamy tikeleı aýmaqta jerge kómilgen.
«Alynǵan zerthanalyq synamalar nátıjesi boıynsha, synamalar quramynda munaı ónimderiniń eleýli úlesi anyqtalyp, kórsetkish jer resýrstary lastanýynyń negizi bolyp tabylady. Sonymen qatar, «Ekoterra» JShS-de belgilengen úlgidegi qaýipti qaldyqtardy esepke alý jýrnaly joq bolyp shyqty. Júrgizilgen tekserý nátıjesinde Departament qaýipti qaldyqtar qozǵalysynyń tolyq tsıklin belgilemegen. Sonymen qatar, tekserý barysynda birqatar ekologııalyq buzýshylyqtar anyqtaldy, atap aıtqanda: qaldyqtar polıgonyn japqannan keıin joıý qorynyń, qorshaǵan ortaǵa emıssııasyz polıgonǵa kirme joldyń bolmaýy», - delingen habarlamada.
Mınıstrliktiń habarlaýynsha, «Ekoterra» JShS-niń basshysy tekseris barysynda departament qyzmetkerleriniń zańdy quqyǵyn buzyp, zańmen taǵaıyndalǵan mindetterdi oryndamaı, mindetterdi oryndaýǵa kedergi keltirip, qajetti qujattardy berýden bas tartqan. Aldyn ala birneshe ret resmı túrde habarlansa da, tekseriske qatysýdan jáne tekseriske qatysýǵa jaýapty tulǵany bólýden, sonyń ishinde synama alýǵa negizsiz bas tartyp, josparly tekseristi júzege asyrý barysynda jalǵan málimet bergen.
«Mańǵystaý oblysy boıynsha ekologııa departamentimen tekseris nátıjesinde «Ekoterra» JShS-gi tarapynan jiberilgen, joǵaryda atalǵan barlyq quqyq buzýshylyq faktileri boıynsha 6 ákimshilik is qozǵaldy. Qazirgi ýaqytta qorshaǵan ortaǵa keltirilgen naqty zalal eseptelýde», - dep habarlaıdy mınıstrlikten.
