Mańǵystaýda eki jumysshyny beton plıta basyp qaldy
ASTANA. QazAqparat - Mańǵystaý aýdanyndaǵy Shetpe aýylynda mektepte qurylys jumystaryn júrgizip jatqan eki er adamnyń ústine beton plıta qulap ketti. Ekeýi de es-tússiz jaǵdaıda oblystyq aýrýhanaǵa jetkizildi. Bul týraly Mańǵystaý oblystyq aýrýhananıayń jedel kómek kórsetý bóliminiń travmatology Toıly Aıtjanov aıtty, dep habarlaıdy lada.kz">lada.kz .
Oqıǵa 25 naýryz kúni keshki saǵat 19:30 shamasynda bolǵan. Qurylysshylar aldymen aýdandyq aýrýhanaǵa jetkizilip, erteńinde sanıtarlyq avıatsııa arqyly oblystyq aýrýhanaǵa ákelindi.
«Jaralanǵandardyń biri 1966 jyly týǵan er adam. Jaǵdaıy óte aýyr. Ashyq bas súıek-mı jaraqaty, bas súıektiń oń jaq bóligi synyp mıǵa zaqym kelgen. Qazir es-tússiz jatyr, ota jasalyp jansaqtaý bólimine jatqyzyldy», - deıdi neırohırýrgııa bóliminiń meńgerýshisi Gelman Chagaı.
Ekinshi jigit 1995 jyly dúnıege kelgen. Ol da aýyr bas súıek-mı jaraqatyn alǵan. Sol jaq qabyrǵalary jáne ıyǵy, sol aıaǵynyń súıekteri synǵan búıiriniń kók eti sógilip ketken.
«Eki patsıent te jasandy tynys alý apparatyna qosylǵan. Ekinshi jigittiń de jaǵdaıy óte aýyr. MRT jasalyp jatyr, eger mıyna zaqym kelgeni anyqtalsa ota jasaımyz», - deıdi Toıly Aıtjanov.
