Mańǵystaýda eki jigitti belgisiz bireýler atyp ketti
AQTAÝ. QazAqparat - Keshe Munaıly aýdanynda saǵat 20.00 shamasynda belgisiz bireýler 1990 jáne 1993 jyly týǵan eki azamatty atyp ketken, dep habarlaıdy QazAqparat tilshisi.
Zardap shekkenderdi aýrýhanaǵa ákelgeni beınebaqylaý taspasyna túsip qalǵan. Qazir vıdeo áleýmettik jelige tarap ketken. Oqıǵa Aqtaý qalasy men Munaıly aýdany arasyndaǵy qıylysta ornalasqan dúken mańaıynda bolǵan. Olardy aýrýhanaǵa kýágerler alyp kelgen.
Shuǵyl aýrýhanaǵa jetkizgenimen, jigitterdi aman alyp qalý múmkin bolmady. Ázirge oqıǵanyń qalaı bolǵany belgisiz. Bul iske qatysy bar úsh azamattyń ekeýi ustalǵan.
MO PD baspasóz qyzmetiniń habarlaýynsha, atalǵan fakt boıynsha QR QK-niń 99-baby boıynsha is qozǵalǵan. Tergeý jumystary júrip jatyr.
