Mańǵystaýda eki otbasy gazdan ýlanyp, 9 adam aýrýhanaǵa tústi
Departament bastyǵynyń orynbasary Murat Muhanovtyń málimetinshe, oqys oqıǵa keshe keshkisin bolǵan. Eki bólmeli jer úıde turatyn otbasyǵa aǵasy bala-shaǵasymen qonaqqa keledi. Tamaq pisirý úshin gaz ballonyn qoldanǵan. Eki otbasy bala-shaǵasymen keshki as iship otyrǵanda kezekpen álsirep, qulaı bastaıdy. Eresekterdiń biri ázer ornynan turyp, syrtqy esikti ashyp, jedel-járdem shaqyrady. Zardap shekkenderdiń barlyǵy aman qaldy.
«Mańǵystaý oblysynyń Tótenshe jaǵdaılar departamentiniń 5 qyzmetkeri, 3 birlik tehnıka jumyldyryldy. Ýaqytsha baspanada gaz jylytqyshynyń aqaýynan gaz taraı bastaǵan. Osy mekenjaıda departament qyzmetkerleri 29 tamyz kúni jáne 17 qarasha kúnderi órt qaýipsizdigin saqtaý erejeleri boıynsha úgit nasıhat jumystaryn júrgizgen», - dedi M.Muhanov.
Eresekter oblystyq aýrýhanaǵa, al balalar Aqtaýdaǵy balalar aýrýhanasyna jetkiziledi. 8 balanyń 4-ýi qazir úılerine jiberildi. Al úıdiń ıesi men 4 bala aýrýhanada em alýda.
«Álsizdik, sotýratsııanyń azdap tómendeýi sııaqty klınıkalyq belgileri bar balalar aýrýhanaǵa jatqyzyldy. 2011 jylǵy bala eń úlkeni, 7 jastaǵy bala, 2 jastaǵy bala jáne 10 aılyq bala. Qazirgi tańda olardyń jaǵdaıy, tynys alý jıilikteri qalypty. Sotýratsııasy kóterildi. Infýzıondyq em aldy. Endi olardan analız alynyp, nátıesiebılanysty emin jalǵastyrady», - dedi oblystyq kópbeıindi balalar aýrýhanasy dırektorynyń orynbasary Gúljan Ermekbaeva.
