Mańǵystaýda eki kólik soqtyǵysyp, bir adam qaza tapty
AQTAÝ. QazAqparat - Búgin Mańǵystaý óńirinde 2 jol-kólik oqıǵasy tirkeldi, dep habarlaıdy QazAqparat tilshisi.
Aqtaý-Jetibaı baǵytynda jantúrshigerlik jol apaty bolyp, saldarynan bir adam qaza tapty. Qaraqııa oıpaty mańynda túngi saǵat 22.30 shamasynda bolǵan jol-kólik oqıǵasynda Nissan Patrol men KamAZ júk kóligi soqtyǵysqan.
Oqys oqıǵa týraly aqparat Jetibaı aýyldyq aýrýhanasyna túngi saǵat 22.40 shamasynda túsken. Dıspetcher habarlamany TJ basqarmasyna joldaǵan. Ázirge apat saldarynan bir adamnyń qaıtys bolǵany belgili. Marqumnyń jeke tulǵasy týraly aqparat jarııalanbady.
Sondaı-aq, Túpqaraǵan aýdany Aqshuqyr aýylynda avtokólik jaryldy. Ázirge zardap shekkender tirkelmegen.
Kýágerlerdiń aıtýynsha, Chevrolet Aveo kóligine ornatylǵan gaz ballony jarylǵan.
