Mańǵystaýda dzıýdodan respýblıkalyq týrnır bastaldy
AQTAÝ. QazAqparat - Mańǵystaýda halyq batyrlary «Isa Dosan» júldesine arnalǵan 2002-2003, 2005-2006 jyly týǵan jasóspirim ul-qyzdar arasynda dzıýdodan 4 respýblıkalyq týrnır bastaldy, dep habarlaıdy Qazaqparat tilshisi.
Endi eki kún boıy eldiń ár aımaǵynan jınalǵan 600-den asa tatamı sheberi ózara myqtyny anyqtaıdy.
Dúbirli dodaǵa 10 oblystan 2002-2003 jáne 2005-2006 jyly týǵan balýandar qatysty. Jarystyń ashylý saltanatyna Mańǵystaý oblysy ákiminiń orynbasary Rýslan Sákeev pen oblystyq dzıýdo federatsııasynyń prezıdenti Asylbek Joldybaev qatysyp jas sportshylarǵa sáttilik tiledi.
«Jarys jeńimpazdaryna "sport sheberine úmitker" ataǵy beriledi. Ol úlken jetistik dep oılaımyn. Jarys sátti ótsin. Bárimizge tek jeńis tileımin»,-deıdi MO Dzıýdo Federatsııasynyń prezıdenti Asylbek Joldybaev.
Isa Dosan atyndaǵy 4-shi respýblıkalyq týrnırge Batys Qazaqstan, Aqtóbe, Atyraý, Qyzylorda, Túrkistan, Jambyl, Almaty oblysy, Qandaǵash qalasynan 600-den asa jas tatamı sheberi kelgen. Al Mańǵystaý quramasy sapynda bes aýdan men eki qala jáne osy sport túrleri damyǵan aýyldar da óz sportshylaryn ákelgen.
«Jarystyń erekesheligi, óńir sportshylaryn óziniń aýyldarynyń atynan qatystyryp jatyrmyz. Máselen, Aqshymyraý, Sarǵa aýyldarynyń sportshylary bar»,-deıdi MO "Jas batyr" mamandandyrylǵan balalar men jasóspirimder sport mektebiniń dırektory Manarbek Bısekenov.
Jarystyń alǵashqy kúni 2002-2003 jyly týǵan balýandar tatamıge shyqty. Jarysty sátti bastaǵandardyń biri Atyraý oblysnyń ókili Nurbek Saǵynǵalıev. 73 kelide jarys jolyna shyqqan balýan Baıqońyrlyq qarsylasymen negizgi ýaqytty teń aıaqtap. Qosymsha ýaqytta ıppon upaıyn ıelendi.
Jarys erteń de jalǵasady. Erteń jarys 2005-2006 jyly týǵan sportshylar arasynda ótedi. Al jarys jeńimpazdary men júldegerleri osy jyly kishi jasóspirimder arasynda ótetin el birinshiliginde de baq synaıdy.
