Mańǵystaýda dzıýdodan halyqaralyq týrnır ótip jatyr

AQTAÝ. QazAqparat - Aqtaýdaǵy «Mańǵystaý arena» sport kesheninde halyq batyrlary «Isa-Dosan» júldesine arnalǵan HІІІ halyqaralyq týrnır ótip jatyr, dep habarlaıdy QazAqparat tilshisi.

Dúbirli dodada elimizdiń 14 oblysy men Ázerbaıjan, Ózbekstan memleketterinen kelgen 700-den astam sportshy baq synaıdy. Eki kúnge sozylatyn jarysta 2008-2009 jáne 2011-2012 jyly týǵan jasóspirim uldar men qyzdar básekege túsedi.

«Búgin dzıýdodan bastalǵan halyqaralyq dodanyń basty maqsaty - ulttyq dástúrlerimizdi nasıhattaý, el úshin janyn pıda etken bahadúr babalar erligin ulyqtaý, rýhyna taǵzym etý»- dedi jarys uıymdastyrýshysy Manarbek Bısekenov.

Aıta keteıik, jarysta І, ІІ jáne ІІІ oryn alǵan dzıýdoshylar QR sport sheberligine úmitker degen ataqqa ıe bolady.