Mańǵystaýda dostaryn qutqarmaqshy bolyp sýǵa ketken jigittiń denesi teńizden tabyldy

AQTAÝ. QazAqparat - Aqtaý qalasynan 20 metr qashyqtyqta ornalasqan «Shora» kanalyna 17 jastaǵy jigit batyp ketti. Ol sýǵa batyp bara jatqan dostaryn qutqarmaqshy bolǵan,-dep habarlaıdy Qazaqparat tilshisi.

Tótenshe jaǵdaı departamentiniń habarlaýynsha, habarlama keshki saǵat 19.35-te túsken.

«Úsh jigit kanalda shomylyp júrgen. Biraq teńizden tek ekeýi shyqty. 2001 jyly týǵan jigit sýǵa batyp ketti. Denesi búgin tańerteń jaǵadan 100 metr jerden tabyldy. Úsheýi de Munaıly aýdanynyń turǵyny», - dep habarlady oblystyq tótenshe jaǵdaı departamentinen.

Sol jerde bolǵan Rahymjan Bektileýov jigittiń sýǵa batyp bara jatqan dostaryn qutqarý úshin kanalǵa sekirgenin kórgen.

Onyń aıtýynsha, teńizge túsip júrgen eki jigit batyp bara jatady. Jaǵalaýda otyrǵan eki dosy olardy qutqarýǵa sekiredi. Jaǵadan barǵandardyń bireýi ǵana keri shyǵady. Bir jigit shyqpaı qalǵan.