02:30, 25 Maýsym 2017 | GMT +6
Mańǵystaýda dezertır izdestirilýde
ASTANA. QazAqparat -Mańǵystaý oblysynda №25744 áskerı bóliminiń ekinshi batalonynda merzimdi áskerı qyzmet sarbazy qashyp ketti, dep habarlaıdy QazAqparat Lada.kz-ǵa silteme jasap.
23 maýsym kúni keshke uıyqtar aldynda jeke quramdy túgendeý júrgizilgen. Áskerı qyzmetshiniń joqtyǵyn anyqtaǵan kezekshi dabyl qaqqan.
Anyqtalǵandaı, 1998 jyly týǵan jas sarbaz Qarýly Kúshter qataryna 2017 jyly Oral qalasynan shaqyrylǵan.
Áskerı bólimnen habarlaǵandaı, dezertır qarýlanbaǵan. Qazirgi ýaqytta onyń izdestirý jumystary júrgizilýde.
№ 25744 áskerı bólimi QR Qorǵanys mınıstrligi Áskerı-teńiz kúshteriniń teńiz jaıaý áskerine tıesili. Quryq kentine barar jolda 23 shaqyrym qashyqtyqta ornalasqan.
