Mańǵystaýda dene shynyqtyrý pániniń muǵalimi komanda oıynshysyna qol kótergen
Mańǵystaýlyq «jattyqtyrýshy» jarys kezinde voleıboldan qyzdar komandasynyń oıynshysyn betinen birneshe ret urǵan sáti túsip qalǵan vıdeo áleýmettik jelide tarady.
Mańǵystaý oblysynyń dene shynyqtyrý jáne sport basqarmasy vıdeoǵa qatysty túsinik berdi. Vedomstvonyń habarlaýynsha, bul oqıǵa Munaıly aýdanynda 14-15 jeltoqsan aralyǵynda N.G. Vahtınany eske alýǵa arnalǵan voleıbol jarysy kezinde bolǵan. Sporttyq jarys karantın talaptaryn saqtaı otyryp uıymdastyrylǵan.
«Oqıǵaǵa qatysy bar Azamat Turmaǵambetov Jańaózen qalasy N 3 orta mektepte dene shynyqtyrý pániniń muǵalimi bolyp jumys jasaıdy. Ol jattyqtyrýshy emes. Jarysqa ony eshqandaı uıym jibergen joq, ol jeke tulǵa retinde qatysty. Atalǵan oqıǵanyń mán-jaıyn arnaıy komıssııa anyqtaıtyn bolady», - dedi basqarma.