Mańǵystaýda dárigerler búldirshinniń keńirdegine turyp qalǵan tıyndy aldy
AQTAÝ. QazAqparat - Beıneý aýdanynda 2 jasar balanyń keńirdeginen 10 teńge tıyn alyndy, dep habarlaıdy Qazaqparat tilshisi.
MO Densaýlyq saqtaý basqarmasy baspasóz qyzmeti habarlaǵandaı, Beıneý aýdandyq aýrýhanasynyń qabyldaý bólimine búldirshin jótelip, dem alysy qıyndap túsedi.
Qyz bala tynys ala almaıdy. Dárigerler rentgenge túsirip, onyń tıyndy jutyp qoıǵanyn anyqtady.
«Beıneý aýdandyq aýrýhanasynyń dárigerleri oblystyq bólimge jibermeı, ózderi «Kateter Foleıany» qoldanyp, tıyndy keńirdeginen shyǵarýǵa sheshim qabyldaıdy. Dırektordyń aıtýynsha, ol bul ádisti ıspandyq dárigerlerden úırengen. Qazir búldirshinniń jaǵdaıy jaqsy»,- dep habarlady baspasóz qyzmeti.
