Mańǵystaýda dári-dármek jetispeýshiligi máselesi aptanyń sońynda sheshiledi

AQTAÝ. QazAqparat - Búgingi kúni Mańǵystaý oblysynyń dárihanalarynda dári-dármek jetispeýshiligi máselesi týyndap otyr. Bul týraly óńirlik komýnıkatsııalar ortalyǵynyń Mańǵystaý oblystyq fılıalynan habarlandy.

Búgingi tańda Aqtaý qalasynda dári dármekterdi tasymaldaýmen 4 mekeme aınalysady,-dep habarlaıdy QazAqparat tilshisi.

Olar «Medservıs» JShS, «Emıtı» JShS, «Іńkár» JShS jáne «Ada-farm» JShS. Búgingi tańda, «Іńkár» jáne «Medservıs» mekemelerine dáriler kelip tústi jáne olar, dárihanalarǵa jetkizilýde.

Sonymen birge, «Ada-farm» JShS óziniń 22 dárihanasyn tolyq qamtamasyz etti. «Medservıs» JShS jáne «Emıtı» JShS óńirge qajetti dári-dármekterdi shildeniń 7-si jetkizetin bolyp otyr. Osyǵan oraı, aldaǵy aptanyń ortasynda oblystaǵy dári-dármekke degen qajettilik qamtamasyz etiledi. Qazir tańda, Aqtaý qalasynda antıbıotıkterdiń 18 ataýy, vırýsqa qarsy preparattardyń 9 ataýy, qyzý túsiretin dáriler 17 ataýy bar.

Aıta ketý kerek, dári-dármek jetispeýshiligi qazir barlyq óńirde de baıqalyp otyr. Bul baǵytta Mańǵystaý oblysynyń ákimdigi, oblystyq provızorlar men farmatsevtter qaýymdastyǵy jáne taýarlar men kórsetiletin qyzmetterdiń sapasy men qaýipsizdigin baqylaý departamenti arasynda dárilik zattarǵa qajettiliktiń ósýine qatysty máseleler boıynsha yntymaqtastyq týraly memorandým jasaqtaldy.