Mańǵystaýda buqaralyq sportpen shuǵyldanatyndar sany bir jylda 12,9 myńǵa ósken
Statıstıkaǵa, qazaqstandyqtardyń 31% ǵana buqaralyq sportpen aınalysady. Al Mańǵystaý oblysynda bul kórsetkish 36,8% qurap, 2020 jylǵy deńgeıge qaraǵanda 12 993 adamǵa ósken, dep habarlaıdy Mańǵystaý oblysy ákiminiń baspasóz qyzmeti.
Mundaı jetistikke aýladaǵy sport alańdary, kóshedegi jattyǵý alańdary, balalarǵa arnalǵan sport mektepteri, jekemenshik jattyǵý zaldarynyń kóptep salynýy men sportshy tartý baǵytyndaǵy sport federatsııalarynyń júıeli jumys júrgizýi septigin tıgizgen.
Búginde oblysta 104 sport túri qamtylǵan. Onda 4-17 jas aralyǵyndaǵy 210 400 bala men jasóspirim sportpen shuǵyldanady.
Memleket basshysynyń 2020 jylǵy 1 qyrkúıektegi Qazaqstan halqyna Joldaýynda qalalar men aýdan ortalyqtarynda sport sektsııasyn ashý, balalar úıirmesiniń qyzmetin jáne halyqty buqaralyq sportpen aınalysýǵa tartý jáne balalardy tegin sport sektsııasymen qamtý tapsyrmasy boıynsha bıyl sporttyń 56 túrinen 249 sektsııa ashyldy. 3 740 bala tegin sportpen shuǵyldanýda.
Búginde oblys boıynsha 822 sport nysany jumys isteıdi. Onyń 447-i dalada ornalasqan alań men vorkaýt. Al, aýyldyq eldi mekenderge 213 alań salyndy.
Budan bólek aımaqta jabyq ǵımarataǵy 33 sport kesheni bar. Onyń 13 Aqtaý qalasynda ornalasqan. Oblysta 19 balalar jáne jasóspirimder sport mektebi sporttyń 46 túrinen balalar men jasóspirimderdi tegin jatyqtyrady. Onda 636 jattyqtyrýshy, 18 708 balany shynyqtyryp júr. Sonymen qatar, 6 mamandyrylǵan balalar jáne jasóspirimder sport mektebinde 5-18 jas aralyǵyndaǵy balalar men jasóspirimder 21 sport túrinen tegin qatysady. Mektepte joǵary bilimdi 172 jattyqtyrýshy jumys isteıdi.
Sonymen qatar, óńirde buqaralyq sportty damytý maqsatyndaǵy áleýmettik jobalardy qoldaý arqyly aýla balalaryn sportqa tartý boıynsha «Bizdiń aýlanyń chempıondary» jobasy qolǵa alyndy. Oblys kóleminde ashylǵan 64 úı aýlasyndaǵy sport alańynda 14 000-ǵa jýyq qala jáne aýyl balasy jattyǵýda. Sport alańdary barlyq deńgeıdegi turǵyndarǵa qoljetimdi ári yńǵaıly bolǵandyqtan, balalar men olardyń ata-anasynyń arasynda úlken suranysqa ıe.
«Salaýatty ómir salty – deni saý ult qalyptastyrýdyń negizgi sharty», - dep memleket basshysy málimdegen bolatyn. Prezıdent bul oıymen buqaralyq jáne balalar sportyn damytý strategııalyq basymdyq ekenine nazar aýdaryp otyr.
Prezıdent tapsyrmasyna sáıkes, biz 2025 jylǵa deıin óńir turǵyndarynyń 50 paıyzyn sportqa tartý josparlanyp otyr. Osy maqsatta jańa sport nysandaryn salyp, olardy kerek-jaraqpen tolyq jabdyqtaý mindeti tur», - dedi oblystyq sport basqarmasynyń basshysy Qanat Jumabaev.
