Mańǵystaýda brakonerlerden 1 tonnadan astam balyq tárkilendi
«Shara barysynda quqyq buzýshylyqtardy anyqtaý úshin tabıǵatty qorǵaý polıtsııa qyzmetkerleri, jyldam qımyldaıtyn arnaıy jasaq jáne patrýldik polıtsııa batalony men rota qyzmetkerlerinen bes top quryldy. Nátıjesinde, 90 zań buzýshylyq anyqtaldy. Onyń ishinde, balyq aýlaý qaǵıdasyn buzǵany úshin 74 tulǵaǵa qatysty ÁQBtK-niń 383-babymen (Balyq aýlaý jáne balyq resýrstary men basqa da sý janýarlaryn qorǵaý qaǵıdalaryn buzý) hattamalar jasaqtaldy. 13 adam QR Qylmystyq kodeksiniń 339-baby (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) jáne 3 adam osy kodekstiń 335-baby (Balyq resýrstaryn, basqa da sý janýarlaryn nemese ósimdikterin zańsyz alý) boıynsha zań aldynda jaýap beredi. Jalpy, tabıǵatty qorǵaý zańnamasyn buzýshylardan 1099 keli bekire tuqymdas jáne 46 keli usaq balyqtar, ıtbalyqtyń maıy men terisi tárkilendi. Sondaı-aq, 500 metr bekire tuqymdas balyǵyn aýlaýǵa arnalǵan aý jáne «Baıda» men eki rezeńke qaıyq anyqtaldy», - delingen saıt aqparatynda.
«Bekire-2022» jedel-profılaktıkalyq is-sharasy balyq jáne balyq ónimderin zańsyz aýlaý, satý, tasymaldaý faktileriniń aldyn alý men anyqtaý maqsatynda ótti.
Zańsyz balyq tasý, satýmen aınalysqandar tarapynan keltirilgen memlekettik shyǵyn ár is boıynsha sot úkiminiń sheshimi shyqqannan keıin óndiriledi.
Buǵan deıin habarlaǵanymyzdaı, Shyǵys Qazaqstanda brakonerlerden 2 tonnadan astam balyq tárkilendi.
