Mańǵystaýda Bozjyra shatqalyna deıin jol salynbaıtyn boldy

AQTAÝ. QazAqparat – Mańǵystaýda Bozjyra shatqalyna deıin jol salynbaıtyn boldy. Óıtkeni jobaǵa bıýdjetten qarjy bólinbegen. Bul týraly Qaraqııa aýdandyq ákimdiginen málim etti, dep habarlaıdy QazAqparat tilshisi.

Bıyl Bozjyraǵa deıin uzyndyǵy 35 shaqyrymdyq jol salý josparlanǵan edi. Jobalyq-smetalyq qujatyn ázirleýge 14 mıllıon teńge qarastyrylǵan.

«Jol qurylysy belgisiz merzimge keıinge qaldyryldy. Óıtkeni bıýdjetten atalǵan jol qurylysyna qarajat bólinbegen» delingen málimette.

Bul aqparatty Mańǵystaý oblystyq jolaýshylar kóligi jáne avtomobıl joldary basqarmasy rastady.