Mańǵystaýda bolǵan jol apatynan bir otbasynyń músheleri túgeldeı qaıtys boldy
ASTANA. QazAqparat - Jol kólik oqıǵasy Jańaózen-Jetibaı tas jolynda oryn alǵan. Toyota Camry markaly kólik «Gazelmen» soqtyǵysqan dep jazady «Lada» portaly. Oqıǵa ornynda úsh adam kóz jumsa, tórtinshisi aýrýhanada qaıtys bolypty.
Soqqy saldarynan «Gazel» jolaýshylar kóligi joldyń shetine shyǵyp ketken. Qaıtys bolǵan tórt adamnyń bári bir otbasynyń músheleri. Jaraqat alǵan taǵy jeti adam aýrýhanada jatyr.
Atalǵan jaıt boıynsha Mańǵystaý oblystyq ІІD-niń tergeý basqarmasy qylmystyq is qozǵady. Sotqa deıingi tergeý amaldary júrgizilýde. Jol apatyna kináli júrgizýshi 5 jylǵa deıin bas bostandyǵynan aırylýy múmkin.
